Төв аймгийн Жаргалант суманд байшин шатаж нэг айлын 2-5 настай гурван хүүхэд өртөж амиа алдсан харамсалтай хэрэг гарсан. Хохирогч хүүхдүүд сумын цэцэрлэгтээ хамрагддаг байсан ч тухайн өдөр их цэвэрлэгээтэй гэх шалтгаанаар цэцэрлэгийн эрхлэгч хичээлийг 15:00 цагт тарсан байсан гэх мэдээлэл гарсан юм.

Тэгвэл энэ талаар Боловсролын сайд П.Наранбаяр "Бүх нийтийн цэвэрлэгээ гээд боловсролын үйл ажиллагааг зогсоож болохгүй. Цэцэрлэгийн удирдлагуудад хариуцлага тооцно" гэв.