УИХ-ын чуулганы нэгдсэн хуралдаанаар Монгол Улсын хөгжлийн 2026 оны төлөвлөгөө батлах тухай УИХ-ын тогтоолын төслийн нэгдэх хэлэлцүүлгийг хийж байгаа бөгөөд эл асуудалтай холбогдуулан УИХ-ын гишүүд санал хэлж, мөн асуулт тавин хариулт авч байна. 

УИХ-ын дарга Д.Амарбаясгалан "ААН-үүд томоохон бүтээн байгуулалтын ажлуудад оролцох гэхээр өндөр шалгуур тавьж, зөвхөн гадны компани оролцох боломж бүрдүүлээд байна. Ер нь цаашдаа дотоодын ААН-үүд гэж байх юм уу? Төр хувийн хэвшлийн өмнүүр орж ажлыг нь хийдэг байсан бол одоо дотоодын компаниудаа бүтээн байгуулалтад оролцохыг боломжийг хаадаг болсон байна. Улс орнын эдийн засгийн нуруун дээрээ үүрч яваа ААН-үүдээ бойжуулж, хөл дээр нь босгох хэрэгтэй." гэв.