Авлигатай тэмцэх үндэсний хөтөлбөрийг хэрэгжүүлэх арга хэмжээний төлөвлөгөөний 2024 оны хэрэгжилтийн тайлангийн үнэлгээний дүн гарлаа.

Монгол Улсын Их Хурлын 2023 оны 59 дүгээр тогтоолоор Авлигатай тэмцэх үндэсний хөтөлбөр, 2024 оны 46 дугаар тогтоолоор Авлигатай тэмцэх үндэсний хөтөлбөрийг хэрэгжүүлэх арга хэмжээний төлөвлөгөөг тус тус баталсан.

Авлигатай тэмцэх үндэсний хөтөлбөрийн 2024 оны төлөвлөгөөнд Гаалийн байгууллага үндсэн хариуцах 2, хамтран хариуцах 11 арга хэмжээ тусгагдсан байна.

Авлигатай тэмцэх үндэсний хөтөлбөрийг хэрэгжүүлэх арга хэмжээний төлөвлөгөөний 2024 оны хэрэгжилтийн тайланд ЗГХЭГ болон Авлигатай тэмцэх газрын хамтарсан ажлын хэсэг хяналт-шинжилгээ, үнэлгээ хийж, Засгийн газрын агентлагуудын үнэлгээний эрэмбээр Гаалийн байгууллага III байрт үнэлэгджээ.