Монгол Улсын Төрийн албаны зөвлөлийн 30 жилийн ойн хүрээнд нийслэл болон 21 аймгийн нутгийн захиргааны байгууллагуудын албан хаагчдад орон нутгийн сайн туршлагыг танилцуулах, түгээн дэлгэрүүлэх зорилго бүхий “Бүтээмж ба инновац UB2025” арга хэмжээг нийслэлийн хэмжээнд зохион байгуулж байна.

Уг ажлын хүрээнд өнөөдөр нийслэл, 21 аймгийн төрийн албан хаагчдын төлөөлөлд Чингэлтэй дүүргийн “Чингэлтэй цогцолбор”, “Эрчим хүчний хэмнэлттэй амины орон сууцны мэдээллийн төв, 14 дүгээр хорооны үйл ажиллагааг тус тус танилцуулж, сайн туршлагаас хуваалцлаа.