Нийслэл хотод Энхтайвны өргөн чөлөө буюу төв замын засвар, шинэчлэлтийн ажил үргэлжилж байна. Өнөөдрийн байдлаар уг өргөн чөлөөнд Баруун дөрвөн зам буюу 11 дүгээр сургуулиас Цэцэг төв хүртэлх авто замын урд эгнээний хөдөлгөөнийг хааж, асфальт бетон хучилтын ажлыг эхлүүлжээ. Энэ үеэр хойд эгнээний замыг хоёр урсгалтай болгосон байна.

Замын хөгжлийн газраас мэдээлснээр авто замын хөдөлгөөнийг өнөөдөр орой 22:00 цагт нээнэ.