Нийтийн тээврийн бодлогын газрын дарга Д.Отгонжаргал “Улаанбаатар смарт карт” ХХК-ийн шинээр томилогдсон Ерөнхий захирал Ц.Цэрэнг хүлээн авч уулзан, нийтийн тээврийн салбарын үйл ажиллагааны өнөөгийн байдал, цаашдын бодлого зохицуулалтын талаар мэдээлэл өгч, хамтын ажиллагааны талаар санал солилцлоо.

“Улаанбаатар смарт карт” ХХК-ийн захирал холбогдох газар, хэлтсийн дарга нарт Нийтийн тээврийн бодлогын газрын Тээврийн удирдлагын төв болон Санал хүсэлтийн төвийн үйл ажиллагааг танилцуулж, нийтийн тээврийн сүлжээ, хяналтын систем, цахим шилжилтийн хүрээнд хийгдсэн томоохон ажлууд, иргэдийн санал хүсэлтийг хэрхэн хүлээж авч яаж шийдэн ажиллаж байгааг танилцуулав.