Улаанбаатарт эмчилгээний хандив гуйсан хүүхдүүдийн зургийг ашиглан, фэйсбүүкээр 2500 гаруй хүнийг залилж, мөнгө авсан хэрэг гарчээ.
Тодруулбал, “Охин минь миний хариуцлагагүй байдлаас болж, халуун тосонд түлэгдсэн. Арьс нөхөх мэс засал хийлгэх гэтэл Хятад юм уу Солонгост л хийх боломжтой”, “Бидний найзын том хүү нь аянганд цохиулж, тал тархиа авахуулсан” гэх зэргээр хандив гуйсан дүр эсгэн, бусдыг залилдаг байжээ.
Энэ хэргийг нийслэлийн Сонгинохайрхан дүүргийн Цагдаагийн газар илрүүлэн, шалгаж байна.
