Монгол улсын тамирчин 14 настай Х.Тэргэл хүү дартсын дэлхийн чансааг Ази тивээс тэргүүлсэн анхны тамирчин боллоо.

Их Британийн нийслэл Лондон хотод дартсын өсвөр үеийнхний "ADVANCED TOUR-2025" дэлхийн лигийн тэмцээн өчигдөр дүнгээ гаргалаа.

16 хүртэлх насныхан оролцдог 20 цуврал тэмцээний нийлбэр дүнгээр Монгол Улсын тамирчин, 14 настай Х.Тэргэл тэргүүн байр эзэлж, дэлхийн чансааг тэргүүллээ.

Ингэснээр дэлхийн чансааг Ази тивээс тэргүүлсэн анхны тоглогч болж байгаа юм.