Хэрэг бүртгэх албаны 2025 оны хагас жилийн сахилга, ёс зүйн зөвлөгөөнийг “Ёс зүй, ёс суртахуун” сэдвийн хүрээнд алба хаагчдын харилцаа, хандлага, эерэг арга барил, бүтээлч сэтгэлгээг төлөвшүүлэх чиглэлээр /2025.06.26/ зохион байгууллаа.
Арга хэмжээг нээж Хэрэг бүртгэх албаны дарга, цагдаагийн хурандаа Б.Оюутболд үг хэлсэн ба цагдаагийн байгууллагад ажиллах хугацаанд сахилга, ёс зүйн зөрчилгүй ажилласан 15 алба хаагчдад “Батламж” гардууллаа.
Зөвлөгөөний хүрээнд:
- Монгол Улсын Ёс зүйн хорооны Соён гэгээрүүлэх хэлтсийн шинжээч Ж.Тунгалаг, Удирдлагын Академийн багш, доктор А.Алтанзул “Төрийн алба хаагчийн ёс зүй, зөрчил” сэдвээр,
- Хөгжлийн Салхи Манлайллын академийн лектор О.Жаргалсайхан “Ёс зүй ба ёс суртахуун” сэдвээр тус тус илтгэл танилцуулсан юм.
