ДАШТ-ээс мөнгөн медаль хүртэж, түүхэн амжилт гаргасан Монгол Улсын эмэгтэй шигшээ багийн тамирчдыг Ерөнхийлөгчийн зарлигаар өнөөдөр МУГТ цолоор шагналаа. Тодруулбал, О.Хулан, Б.Ариунцэцэг, Н.Нандинхүсэл, М.Цэрэнлхам нар өнөөдөр Монгол Улсын гавьяат тамирчин цол тэмдэг энгэртээ гялалзуулж, дахин нэг шинэ түүх бичиж чадлаа.

Тэдний хамгийн залуу нь Н.Нандинхүсэл. Тэрбээр 18 настай. МУГТ цол тэмдгээр энгэрээ мялаасан хамгийн залуу тамирчин болж буй юм.