Хэнтий аймагт хүчтэй мөндөр орж, иргэдийн тээврийн хэрэгсэлд хохирол учрав.
Тодруулбал, өнөөдөр буюу энэ сарын 28-ны өдрийн 14:00 цагийн орчимд Хэнтий аймгийн төв Чингис хотод хүчтэй мөндөр орж, иргэдийн автомашины салхины шил болон бусад эд ангид их хэмжээний хохирол учруулжээ.
Уг байгалийн үзэгдэл ойролцоогоор 20 минут үргэлжилсэн бөгөөд зарим газарт мөндрийн хэмжээ томорч, автомашины цонх, гадна талын бүрээс, гэрэлтүүлэг, толь зэрэг эд ангийг гэмтээсэн байна.
