Цагдаагийн байгууллагаас "Дүрмээ мөрдье" аяныг зохион байгуулсан. Уг аяны үр дүнгийн талаар  ЦЕГ-ын Урьдчилан сэргийлэх газрын Гэмт хэрэг, зөрчлөөс урьдчилан сэргийлэх хэлтсийн дарга, цагдаагийн дэд хурандаа Б.Өсөхбаяр мэдээлэл өглөө.

Улсын хэмжээнд зургадугаар сарын 2-ноос долоодугаар сарын 28-нийг хүртэл хугацаанд 117,000 тээврийн хэрэгсэлд үзлэг, шалгалт хийхэд 4 тээврийн хэрэгсэл тутмын 3-аас зөрчил илэрчээ.

Тухайлбал, орон нутгийн замд согтуугаар тээврийн хэрэгсэл жолоодсон 3002 жолоочийг илрүүлж, үйлдлийг нь таслан зогсоосон байна.

Баяр, наадмын өдрүүдэд зам тээврийн ослын улмаас 40 хүн гэмтэж, 8 хүн нас баржээ. Энэ тоог өмнөх оны мөн үетэй харьцуулахад гэмтсэн хүн 56, нас баралт 60 хувиар буурсан үзүүлэлттэй байна. Иргэдийн ухамсар, хариуцлага дээшилж байна гэж цагдаагийн байгууллагаас дүгнэжээ.