Төрийн өндөр албан тушаалтнууд АТГ-т 2024 оны хөрөнгө орлогын мэдүүлгийг шинэчлэн гаргасан байна. Энэ хүрээнд бид УИХ-ын гишүүдийн ХОМ-ийг хүргэж байгаа билээ.

Тухайлбал,  УИХ-ын гишүүн М.Нарантуяа-Нара УИХ-ын гишүүнээс татгалзана гэдгээ энэ сарын 15-ны өдөр цахим хуудсаараа дамжуулан мэдэгдсэн. УИХ-ын намрын ээлжит чуулган 9-р сарын 15-нд нээлтээ хийх юм. 

Тэрбээр 2024 оны наймдугаар сарын 16, 19-ний өдрийн чуулганы нэгдсэн хуралдааныг хүндэтгэх шалтгаангүйгээр тасалсан ба энэ хугацаандаа өөр улсад /БНХАУ/ зорчиж, цахим хаягаараа бараа сурталчилсан. Тиймээс УИХ-ын Тамгын газрын Ерөнхий нарийн бичгийн дарга Б.Баасандорж Монгол Улсын Үндсэн хууль болон УИХ-ын тухай хуулийн тодорхой заалтуудыг зөрчсөн УИХ-ын гишүүн М.Нарантуяа-Нара-д хуулийн хэрэгжилтийг хангуулахыг хүсэж, сануулах албан бичиг хүргүүлж байв. 

Тэгвэл  Намрын чуулганаар ажлаа өгөх УИХ-ын гишүүн М.Нарантуяагийн  2024 онд АТГ-т шинэчлэн мэдүүлсэн ХОМ-ийг хүргэж байна.

Тэрбээр мэдүүлэгтээ:

Өөрийн орлого: ₮267сая
Гэр бүлийн орлого: ₮180 сая
Хөрөнгө борлуулсны орлого: ₮0 сая
Орон сууц барилга байгууламж: 1,7 тэрбум   /Орон сууц-1, зуслангийн байшин-1/
Тээврийн хэрэгсэл: ₮100 сая  /Nissan, Patro маркийн тээврийн хэрэгсэлтэй/
Мал аж ахуй: ₮104 сая  /Зөгий /бүл/-45, Хурдан удмын адуу-10/
Газар: ₮40 сая  /Эзэмших-0.7га нийт хоёр газартай /
Үнэт эдлэл, урлаг, түүхийн үнэт зүйл: ₮1,5 тэрбум
Хадгаламж: ₮12 сая      Бэлэн мөнгө: ₮93 сая
Авлага:  ₮0 сая
Зээл:  ₮122 сая гэж мэдүүлжээ.

М.Нарантуяа-Нара 2024 оны УИХ-ын сонгуулийн үр дүнгээр ИЗНН-аас жагсаалтаар сонгогдсон билээ.