УИХ-ын чуулганы өнөөдрийн /2025.10.02/ нэгдсэн хуралдаан 10 цаг эхэллээ.

Өнөөдрийн хуралдаанаар Хөдөө аж ахуйн тухай хуулийн төсөл болон хамт өргөн мэдүүлсэн хуулийн төслүүд , Хүнсний тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд -ийг хэлэлцэх товтой байсан юм.

Хуралдааны эхэнд АН-ын бүлгийн гишүүд чуулганы хуралдааныг орхиж гарлаа.

 УИХ-ын чуулганы эхэнд АН-ын бүлгийн дарга О.Цогтгэрэл  " АН-ын Улс төрийн зөвлөлөөс бүлэгт УИХ-ын даргын ёс зүйн асуудлаар, Улсын төсөв эзэнгүйдэж байгаа асуудлаар чиглэл өгч, байр сууриа илэрхийлэх шаардлага хүргүүлсэн. Ийм учраас яг одоо АН-ын бүлгийн гишүүд чуулганы танхимыг орхин гарч бүлгийн хурлаараа эдгээр асуудлыг ярилцана. АН-ын бүлэг одоо хуралдаж тодорхой асуудлаар санал нэгтгэх шаардлага байгааг хэлье" гэв.