Улсын хоёрдугаар төв эмнэлэг нь 2023-2025 оны хичээлийн жилд Дотрын анагаах ухаан судлал, Дүрс оношилгоо судлал, Эрчимт эмчилгээ судлал, Мэс засал судлал, Яаралтай тусламж судлал, Мэдрэл судлалын чиглэлээр нийт 40 эмчийг амжилттай бэлтгэн, төгсөлтийн арга хэмжээг зохион байгууллаа.
Тус арга хэмжээг нээж УХТЭ-ийн дэд захирал Д.Цогт-Очир хэлсэн үгэндээ "УХТЭ мэргэжил дээшлүүлэх найман чиглэлээр 200 гаруй эмч нарын бааз эмнэлэг болж сургалтын үйл ажиллагааг явуулж байна. Энэ удаа зургаан чиглэлээр суралцсан 40 эмч бэлтгэгдэн гарч байна. Манай эмнэлэг резидент эмч нарыг бэлтгэх, судалгааны ажлыг дэмжих тал дээр байнга анхаарал хандуулан ажилладаг. Резидентийн сургалтаа амжилттай дуусгасан эмч нартаа, удирдан ажилласан багш нартаа баяр хүргэе" хэмээлээ.
УХТЭ нь төгсөлтийн дараах үйл ажиллагааг үндсэн, төрөлжсөн, дээшлүүлэх чиглэлээр явуулдаг бөгөөд үндсэн мэргэжлийн 6 чиглэл, дээшлүүлэхийн 8 чиглэлээр явуулж байна
