Багш нарын цалинг нэмэх гурван зүйлт шаардлагад Боловсролын яамны зүгээс хариу өглөө.

Боловсрол, шинжлэх ухааны үйлдвэрчний эвлэлийн холбооны цалин нэмэх шаардлагын хариуд:

• Багшийн цалинг 2026 оны 7-р сард 2.5 сая, цаашид 3.5 сая төгрөгт хүргэх шат дараалсан арга хэмжээ авна.
• 2026 онд боловсролын салбарын хөрөнгө оруулалтыг хоёр дахин нэмэгдүүлж, гадаад зээл, тусламжийг энэ чиглэлд түлхүү ашиглана.
• 2025 оноос төрийн албан хаагчдын орон тоог 9%-аар бууруулахад багш, эмч нарыг хамруулахгүй.

Цаашид багшийн нийгмийн баталгааг сайжруулах чиглэлээр хамтран ажиллахаа мэдэгдэж, ажил хаяхгүй байхыг уриаллаа.