Нэр бүхий банкны ажилтан иргэний хувийн мэдээллийг ашиглан “Тэтгэврийн зээл” авч залилсан хэргийг цагдаагийн байгууллагаас шалгаж байна.
Тодруулбал, уг хэргийг энэ сарын 9-ны өдөр Өмнөговь аймгийн цагдаагийн газраас илрүүлэн шалгалтын ажиллагааг үргэлжлүүлж байна.
Иймд иргэдийг залилах төрлийн гэмт хэргээс урьдчилан сэргийлэхийг Цагдаагийн байгууллагаас анхаарууллаа.
Ташрамд дурдахад, энэ оны эхний есөн сарын байдлаар цагдаагийн байгууллагад бүртгэгдсэн нийт гэмт хэргийн 35 хувийг залилах гэмт хэрэг эзэлж байгаа аж. Үүнээс 80 гаруй хувь нь цахим орчинд үйлдэгдэж байгаа талаар Цагдаагийн ерөнхий газраас мэдээллээ.
