Улс төрд өрнөж буй үйл явцтай холбоотойгоор УИХ дахь МАН-ын бүлгийн 38 гишүүн гарын үсэг зурж, бүлгээ өнөөдөр 16.00 цагт хуралдуулахыг шаардлаа. Үүнтэй холбоотойгоор МАН-ын бүлэг хэзээ хуралдах товтой байгаа талаар УИХ дахь МАН-ын бүлгийн дарга Ж.Бат-Эрдэнээс тодруулахад "УИХ дахь МАН-ын бүлэг маргааш 12 цагаас хуралдахаар болсон" гэх мэдээллийг өгсөн юм. Мөн тэрээр "Би бүлгээ эвлэрүүлэх талаар Ерөнхийлөгчтэй ч уулзаж, мэдээлэл солилцсон. Хоёр талд бичгүүдээ татаж авах саналыг хүртэл хүргүүлээд явж байна" гэлээ.