2025 оны аравдугаар сарын 15-ны 20:00 цаг хүртэлх цаг агаарын урьдчилсан мэдээг танилцуулж байна. Өнөөдөр ихэнх нутгаар цас зам даваанд халтиргаа гулгаа үүсэх анхаарал болгоомжтой зорчихыг Цаг, уурын байгууллагаас анхааруулж байна

Улаанбаатар хот орчмоор, үүлэрхэг. Цас орохгүй. Салхи баруун хойноос секундэд 6-11 метр. Шөнөдөө Яармаг-Сонгины орчмоор -9-11 хэм, бусад хэсгээр -6-8 хэм хүйтэн, өдөртөө 0 хэм  байна. Багануур орчмоор, үүлэрхэг. Цас орохгүй. Салхи баруун хойноос секундэд 7-12 метр. Шөнөдөө -7-9 хэм хүйтэн, өдөртөө 0 градус орчим байна. Тэрэлж орчмоор, мөн үүлэрхэг. Шөнөдөө ялимгүй цас орно, өдөртөө цас орохгүй. Салхи баруун хойноос секундэд 5-10 метр. Шөнөдөө -12-14 хэм, өдөртөө 0-2 хэм хүйтэн байна.

Хур тунадас: Ихэнх нутгаар үүлэрхэг. Шөнөдөө баруун, төв, зүүн аймгуудын нутгийн зарим газраар, өдөртөө баруун болон говийн аймгуудын нутгийн зарим газар, төвийн аймгуудын нутгийн баруун хэсгээр нойтон цас, цас орж, зөөлөн цасан шуурга шуурна.

Салхи: Нутгийн өмнөд хэсгээр баруун өмнөөс баруун хойш эргэж, бусад нутгаар баруун хойноос секундэд 6-11 метр, нутгийн зарим газраар секундэд 14-16 метр хүрч ширүүснэ.

15-16-нд шилжих шөнө Баянхонгорын хойд хэсэг, Архангай, Өвөрхангайн нутгаар, 16-ны өдөр Өвөрхангай, Төв, Хэнтий, Говьсүмбэр, Дундговь аймгийн нутгаар ахиухан хэмжээний цас орно. Дундговь, Төв, Говьсүмбэр, Хэнтий, Сүхбаатарын нутаг, Өвөрхангай, Өмнөговийн зүүн, Дорноговийн хойд хэсгээр цасан шуурга шуурна.

Агаарын температур: Шөнөдөө Увс нуур болон Дархадын хотгор, Хангай, Хөвсгөлийн уулархаг нутаг, Завхан, Заг, Байдраг голын эх, Идэр, Тэс, Эг, Үүр, Орхон голын хөндийгөөр -17-22 хэм, Монгол-Алтай, Хэнтийн уулархаг нутаг, Хүрэнбэлчир орчим, Сэлэнгэ, Хараа, Ерөө, Туул, Хэрлэн, Онон, Улз голын хөндийгөөр -9-14 хэм хүйтэн, говийн бүс нутгийн баруун өмнөд хэсгээр +3+8 хэм, говийн бүс нутгийн зүүн өмнөд хэсгээр -2+3 хэм дулаан, бусад нутгаар -4-9 хэм хүйтэн, өдөртөө Увс нуур болон Дархадын хотгор, Монгол-Алтай, Хангай, Хөвсгөл, Хэнтийн уулархаг нутаг, Завхан, Заг-Байдраг голын эх, Идэр, Тэс, Эг, Үүр, Орхон, Сэлэнгэ, Хараа, Ерөө, Туул, Тэрэлж голын хөндийгөөр -3-8 хэм хүйтэн, говийн бүс нутгийн баруун өмнөд хэсгээр +10+15 хэм, говийн бүс нутгийн зүүн өмнөд хэсгээр +4+9 хэм, бусад нутгаар -2+3 хэм дулаан байна.

15-нд баруун аймгуудын нутгаар, 16-нд ихэнх нутгаар, 17-нд зүүн аймгуудын нутгийн өмнөд хэсгээр ахиухан хэмжээний нойтон цас, цас орж, цасан шуурга шуурч, ихэнх нутгаар хүйтэрч, зам даваанд хальтиргаа гулгаа үүсэж, үзэгдэх орчин хязгаарлагдахыг онцгойлон анхааруулж байна.