Боловсролын сайдын 2025 оны 2-р сарын 27-ны өдрийн Хичээлийн жилийн бүтэц шинэчлэн батлах тухай А/95 дугаар тушаалаар 2025-2026 оны нийслэл болон аймаг, сумын ерөнхий боловсролын сургуулийн хичээлийн жилийн бүтэц батлагджээ. 

Батлагдсан хуваарийн дагуу ерөнхий боловсроолын сургуулиуд ирэх долоо хоног буюу 10-р сарын 20-24-ний өдрүүдэд бие даалтын долоо хоногтой. Энэ үед танхимаар хичээллэхгүй бөгөөд сургуулиас танхимын гадуур музей үзэх болон урлаг, спортын төрөл бүрийн арга хэмжээ зохион байгуулдаг.  

2025-2026 оны хичээлийн жилд I-V анги 34 долоо хоног, VI-IX анги 35 долоо хоног, X-XII анги 36 долоо хоног тус тус хичээллэнэ. Сурагчдын I улирлын амралтыг өмнөх жилүүдэд 10-р сард тав хоногоор өгдөг байсан бол энэ хичээлийн жилд хойшлуулж: 

• Бага анги- 2025 оны 12-р сарын 15-наас 2026 оны 1-р сарын 23
• Дунд анги- 2025 оны 12-р сарын 22-ноос 2026 оны 1-р сарын 23  
• Ахлах анги-2025 оны 12-р сарын 22-ноос 2026 оны 1-р сарын 16-ныг дуустал амарна. 

Энэ хичээлийн жилийн бүтцийн хуваарьтай танилцана  уу.