Нийтийн тээврийн бодлогын газарт иргэдээс ирсэн талархлыг хүлээн авч, санал, гомдол, хүсэлт бүрийг тухай бүрд нь шийдвэрлэн ажиллаж байна. Нийтийн тээврийн бодлогын газрын 70044040 дугаарын утсанд 2025 оны 10 дугаар сарын 12-14-ны өдөр иргэдээс ирсэн талархал, санал, хүсэлт, гомдлыг дараах байдлаар шийдвэрлэв.

• Талархал: Иргэн Дарьсүрэн: Ч:71А (Дүнжингарав худалдааны төв-МУБИС) чиглэлд явж байгаа “Зорчигч тээвэр нэг” ОНӨААТҮГ-ын 1-011 гарааш дугаартай автобусны жолооч Ж.Батмөнхөд маш их баярлалаа. Түргэн шуурхай холбогдож, орхиж буусан цүнхээ авсан.
• Талархал: Баянзүрх дүүргийн иргэн Б.Энхжаргал: Ч:61 (ТЭЦ-3-Офицеруудын ордон) чиглэлд явж байгаа “Сутайн буянт” ХХК-ийн 5-230 гарааш дугаартай  автобусны жолооч нь шаардлага сайн тавьж, иргэдэд зөв боловсон үйлчилж байна. Маш их баярлалаа.

Гомдол: Налайх дүүргийн иргэн Б.Жаргалсайхан: Ч:72 (Хөгжим бүжгийн коллеж-Богдхан амралт) чиглэлийн 5-225 гарааш дугаартай автобусны жолооч номын сангийн буудлаас маршрутын гэрлээ унтраагаад хүнээ авахгүй хоосон явсан.

• Шийдвэрлэлт: “Сутайн буянт” ХХК-ийн жолооч Б.Батжаргалд торгуулийн арга хэмжээ тооцсон.

Гомдол: Чингэлтэй дүүргийн иргэн Бум-эрдэнэ: Ч:18Б (МҮИС-ТЭЦ-3) чиглэлийн 13-268 гарааш дугаартай тээврийн хэрэгслийн жолооч нь тамхи татсан. Тухайн иргэн тамхины харшилтай тул харшил нь хөдлөөд яаран буусан байна.

• Шийдвэрлэлт: “Эрдэм транс” ХХК-ийн жолооч С.Санжаажавт торгуулийн арга хэмжээ тооцсон.

Гомдол: Баянзүрх дүүргийн иргэн Б.Бямбаноров: “Зорчигч тээвэр нэг” ОНӨААТҮГ-ын 1-080 гарааш дугаартай автобусны жолооч Ч:37 (Улаанхуарангийн эцэс-4-р хороолол) чиглэлд ажиллахдаа Улаанхуарангийн эцсийн зогсоолоос суусан чинь хэл амаар доромжилж зодох шахлаа. Арга хэмжээ авч хариу өгнө үү.

• Шийдвэрлэлт: Камерын бичлэг шалгахад зорчигч төлбөрөө төлөөгүй жолоочтой хэрэлдэж, цүнхээрээ цохисон байна.

Гомдол: Баянгол дүүргийн иргэн М.Анхтуяа: Ч:42 (Зайсан-Та Чи) чиглэлийн 2-078 гарааш дугаартай автобусны жолооч Оргил рашаан сувилал буудлаас хүнээ аваагүй. Гомдолтой байна.

• Шийдвэрлэлт: “Зорчигч тээвэр хоёр” ОНӨӨТҮГ-ын жолооч Х.Энхбаярт торгуулийн арга хэмжээ тооцсон.

Иргэний гомдол: Ч:7 (Нисэх-Хүнсний 1-р дэлгүүр) чиглэлийн 14-004 гарааш дугаартай автобус нь буудал зарлагч лед дэлгэцээ ажиллуулахгүй яваад байна. Арга хэмжээ авч өгнө үү.

• Шийдвэрлэлт: “Автотерминал трейд” ХХК-ийн Тээвэр зохицуулагч Нарангэрэлд байгууллагын дотоод журмаар жолооч нартаа арга хэмжээ тооцон эргэж мэдэгдэх үүрэг өгсөн.