Автотээврийн Үндэсний Төв /ТӨҮГ/нь MNS ISO/IEC 17065 : 2013 “Бүтээгдэхүүн, үйл явц болон үйлчилгээг баталгаажуулах байгууллагад тавих шаардлага” стандартын дагуу тохирлын үнэлгээний үйл ажиллагааг олон улсын хэм хэмжээнд нийцүүлэн гүйцэтгэж байна.
Энэ хүрээнд Өмнөговь аймгийн Ханбогд сумын Цагаан хад суурьшлын бүсэд хүнд даацын машин, механизмын засвар, үйлчилгээ эрхлэх үйл ажиллагаа явуулдаг “Мөнх Зема” ХХК-ийн Засвар үйлчилгээнд тохирлын үнэлгээ хийж GPS-054 дугаартай тохирлын гэрчилгээг гардууллаа.
“Мөнх Зема” ХХК нь Цагаан хад суурьшлын бүсэд Стандартчилал, техникийн зохицуулалт, тохирлын үнэлгээний итгэмжлэлийн тухай хууль болон Монгол Улсын Засгийн газрын 2018 оны 291 дүгээр тогтоолыг хэрэгжүүлэн ажиллаж байгаа бөгөөд тохирлын үнэлгээ, баталгаажуулалтад хамрагдаж тохирлын гэрчилгээтэй нийтэд үйлчилгээ үзүүлэгч анхны засварын төв болж буйгаараа онцлог юм.
