Бүгд Найрамдах Солонгос Улсын Өвчний хяналт сэргийлэлтийн агентлаг болон Монгол Улсын Халдварт өвчин судлалын үндэсний төвийн хамтран хэрэгжүүлж буй Монгол Улсын Халдварт өвчний хяналтын тогтолцоог бэхжүүлэх "Миракл" төслийн зохицуулах багийн ээлжит хурал боллоо.

Хурлаар 2025 оны хэрэгжүүлсэн үйл ажиллагааны тайлан болон 2026 оны үйл ажиллагааны төлөвлөгөөний төслийг ярилцлаа.

Хуралд БНСУ талаас Глобал эрүүл мэндийн аюулгүй байдлын стратегийн хэлтсийн дарга И Жиа, Глобал эрүүл мэндийн аюулгүй байдлын стратегийн хэлтсийн ахлах судлаач Ким Ёнхи, Глобал эрүүл мэндийн аюулгүй байдлын стратегийн хэлтсийн ахлах мэргэжилтэн Юү Син Мин, Шинэ халдварт өвчний хариу арга хэмжээний хэлтсийн дарга Ё Сан Гү, Өвчний хяналтын чадавх хөгжүүлэх хэлтсийн шинжлэх ухааны ахлах судлаач Ким Ин Гён, Бичил биетний тэсвэржилтийн хяналтын хэлтсийн эрдэм шинжилгээний ажилтан Хун Сон Хи, төслийг хэрэгжүүлэгч байгуллага Ёнсойн Их сургуулийн Халдварт өвчний клиникийн профессор / Олон улсын хөгжлийн төвийн захирал Ёом Жүн Соб, професор И Хёг Мин нар, ХӨСҮТ-өөс ерөнхий захирал С.Энхболд, дэд захирал Б.Азжаргал,бусад холбогдох мэргэжилтнүүд оролцлоо.