Монгол Ардын намын 31 дүгээр Их хурлаас байгуулсан Бага хурлын анхдугаар хуралдаан өчигдөр /2025.11.18/ Тусгаар тогтнолын ордонд боллоо. Тус хуралдаанаар Удирдах зөвлөл, ЕНБД болон бусад нарийн бичгийн дарга нар, ХЕХ-ны гишүүдээ шинэчлэн томилсон юм.
Тэгвэл МАН-ын Хяналтын Ерөнхий Хорооны даргаар П.Мөнхтөр сонгогджээ.
Түүний хувьд өмнө нь Дорнод аймгийн Чойбалсан хотын захирагч, тус аймгийн ИТХ-ын төлөөлөгчөөр 2020-2023 онд ажиллаж байсан нэгэн аж.
МАН-ын Хяналтын хороог даргалах П.Мөнхтөрийн 2023 онд АТГ-т мэдүүлсэн ХОМ-ийг хүргэж байна.
10 орчим жил төрд ажиллаж хувьдаа нэг ч бизнес эрхэлж үзээгүй П.Мөнхтөр дарга ийнхүү 1 тэрбум 863 сая төгрөгийн үнэтэй 12 орон суутай, 251,500 саяын үнэлгээтэй 10 газартай хэмээн мэдүүлжээ.
Тэрбээр мэдүүлэгтээ:
Өөрийн орлого: ₮14 сая /жилийн/
Гэр бүлийн орлого: ₮30 сая /жилийн/
Орон сууц барилга байгууламж: ₮1,8 тэрбум /орон сууц-12, Хашаа байшин-1 /
Тээврийн хэрэгсэл: ₮104 сая /Toyota AXIO, Toyota Probox, Hyundai Porter , Mitsubishi L200, Toyota Hi Ace нийт 5 тээврийн хэрэгсэлтэй /
Мал аж ахуй: ₮30 сая /Адуу-49/
Газар: ₮251 саяын үнэлгээтэй /өмчлөх 2, эзэмших 7/
- Эзэмших-1600м2-1,
- Эзэмших-1936м2-1,
- Эзэмших-1946м2-1,
- Эзэмших-264м2-1,
- Эзэмших-288м2-1,
- Эзэмших-900м2-1,
- Эзэмших-980м2-1,
- Өмчлөх-2618м2-1,
- Өмчлөх-3500м2-2 нийт 10 газартай.
Үнэт эдлэл, урлаг, түүхийн үнэт зүйл:₮0 cая
Хадгаламж: ₮39 сая
Авлага: :₮20 cая
Зээл: ₮0 сая гэж мэдүүлжээ.
