Монгол Ардын намын 31 дүгээр Их хурлаас байгуулсан Бага хурлын анхдугаар хуралдаан өчигдөр /2025.11.18/ Тусгаар тогтнолын ордонд боллоо. Тус хуралдаанаар Удирдах зөвлөл, ЕНБД болон бусад нарийн бичгийн дарга нар, ХЕХ-ны гишүүдээ шинэчлэн томилсон юм.

Тодруулбал, 39 гишүүнийг Удирдах зөвлөлийн гишүүнээр сонгосон бөгөөд 40 хувь нь эмэгтэйчүүдийн төлөөллөөс бүрджээ. Тэгвэл бид энэ удаа эрх барих МАН-ын Удирдах зөвлөлийн шинэ бүрэлдэхүүнийг  ХОМ-ийг цуврлаар танилцуулъя. 

Тухайлбал, МАН-ын Удирдах зөвлөлийн гишүүнээр сонгогдсон  УИХ-ын гишүүн асан М.Оюунчимэгийн 2024 онд АТГ-т мэдүүлсэн ХОМ-ийг хүргэж байна.

Түүний хувьд 2024 онд УИХ-ын гишүүний суудлаас буусан юм. Улмаар УИХ-ын гишүүн асан М.Тогтохсүрэнг 2024 оны сонгуульд ялагдсаных нь дараахан МАН “Монголросцветмет”-ийн захирлаар томилсон бол орлогч даргынх нь орон тоон дээр УИХ-ын гишүүн асан М.Оюунчимэгийг томилсон билээ. Засгийн газраас "Монголросцветмэт"-ийг "Эрдэнэс критикал минерал" төрийн өмчит үйлдвэрийн газар болгон нэрийг нь өөрчилсөн.

Тэрбээр мэдүүлэгтээ:

Өөрийн орлого: ₮58 сая /жилийн/
Гэр бүлийн орлого: ₮141 сая /жилийн/
Орон сууц барилга байгууламж: ₮1,1 тэрбум /орон сууц-2 /
Тээврийн хэрэгсэл: ₮328 сая  /Toyota, Land Cruiser 200 ,Suzuki Grand Vitara , BMW 528 маркийн 3 тээврийн хэрэгсэлтэй /
Мал аж ахуй:₮0 сая 
Газар: ₮0 сая    /Эзэмших-700м2/ үнэлгээгүй                                                                                                                          Үнэт эдлэл, урлаг, түүхийн үнэт зүйл:₮0 сая 
Хадгаламж: ₮506 сая    
Авлага: ₮0 cая
Зээл:  ₮85 сая гэж мэдүүлжээ.