УИХ-ын чуулганы нэгдсэн хуралдаанаар Тамхины хяналтын тухай хуулийн төслийг хэлэлцэж байна. Энэ үеэр УИХ-ын гишүүн Т.Мөнхсайхан Эрүүл мэндийн сайдын зөвлөхтэй холбоотой асуудлыг гаргаж тавив.

УИХ-ын гишүүн Т.Мөнхсайхан: Ж.Чинбүрэн сайдын зөвлөх ОУ-ын хуралд очоод тамхины асуудлыг дэмжих байр суурийг илэрхийлсэн. Тэнд хэний байр суурийг илэрхийлчихэв.

ЭМЯ-ны төлөөлөл: Ж.Чинбүрэн гишүүний зөвлөх н.Энхбаяр оролцсон. Энэ хүний байр суурь ЗГ-ын байр суурь биш.

УИХ-ын дарга Н.Учрал: Орон тооны бус зөвлөх ОУ-ын уулзалтад яам төлөөлдөг болчихсон юм уу. Юу яриад байгаа юм.

ЭМЯ-ны төлөөлөл: Энд хоёр өөр хүний тухай яригдаж байна. Женевт болсон хуралд явсан нь УИХ-ын гишүүний орон тооны бус зөвлөх н.Энхбаяр гэдэг хүн. Харин Эрүүл мэндийн сайдын зөвлөх бол Б.Дэмбэрэл гэдэг хүн ажиллаж байгаа.