АШУҮИС-ийн Төгсөлтийн дараах сургалтад 2022-2025 оны хичээлийн жилд суралцан амжилттай төгссөн төгсөгчдөд диплом гардуулах ёслол зохион байгуулагдлаа. Үндсэн мэргэшлийн 34 чиглэлээр 446 эмч, эмнэлгийн мэргэжилтэн дипломоо гардан авлаа. Төгсөгчдийг төлөөлж дотрын эмч Г.Төмөржин, эрдэмтэн, багш, эмч нарыг төлөөлж Монгол Улсын Ардын эмч, Төрийн соёрхолт, АШУҮИС-ийн хүндэт профессор, АШУ-ны доктор, профессор О.Сэргэлэн нар төгсөгчдөд хандан баяр хүргэж, үг хэллээ.

Монгол Улсын Ардын эмч цол хүртсэн О.Сэргэлэн багшид АШУҮИС-ийн хамт олон баяр хүргэж, хүндэтгэл үзүүлэв. АШУҮИС-ийн Ахисан түвшний сургуулийн Төгсөлтийн дараах сургалтыг амжилттай дүүргэж мэргэшлийн дипломоо гардан авсан эмч, мэргэжилтнүүддээ ажил хөдөлмөрийн өндөр амжилт хүсье.