Цагдаа, дотоодын цэргийн байгууллагын ахлагч бүрэлдэхүүний тэмдэглэлт өдрийн арга хэмжээг өнөөдөр /2025.12.11/ зохион байгууллаа.

Арга хэмжээнд Цагдаагийн ерөнхий газрын дарга, Дотоодын цэргийн командлагч, хошууч генерал Ж.Болд болон даргын зөвлөлийн гишүүд оролцож танхимаар 293, цахимаар 2350, нийт 2643 алба хаагч хамрагдлаа.

Тэмдэглэлт өдрийг тохиолдуулан Хууль зүй, дотоод хэргийн яамны “Шилдэг ахлагч” хүндэт тэмдгээр 10, Цагдаагийн гавьяа тэмдгээр 4, Дотоодын цэргийн алдар тэмдгээр 3, Цагдаагийн ерөнхий газрын “Хүндэт жуух” бичгээр 5, Дотоодын цэргийн “Албаны төлөө” тэмдгээр 1, Дотоодын цэргийн ахлагч цолоор 2 алба хаагч тус тус шагнагдлаа.