"Эрдэнэт Үйлдвэр" ТӨҮГ-ын ил уурхайд чигдбр буюу 2026 оны 1 дүгээр сарын 7-ны өдөр үйлдвэрлэлийн осол болж, ажил үүргээ гүйцэтгэж байсан ажилтан өртөж, амиа алджээ.
Ослын нөхцөл байдлыг тодруулахаар Орхон аймгийн Цагдаагийн газар, Прокурорын газар, хууль хяналтын байгууллагууд ажиллаж байгаа гэлээ.
Гэтэл яг 20 хоногийн өмнө тус үйлдвэрт дахин ноцтой осол гарч, хэн ч хариуцлага хүлээгээгүй хав дараад өнгөрсөн байдаг.
Тодруулбал, Тус байгууллагын 6135ОРХ улсын дугаартай УАЗ Пургон маркийн автомашин 7396ОРА улсын дугаартай БелАЗ маркийн тээврийн хэрэгсэлтэй мөргөлдөж, улмаар УАЗ пургон машины эд анги эвдэрч, сүйджээ.
Ослын зургаас харвал, машины жолооч, зорчигчид хүнд гэмтсэн, эсхүл нас барсан байх магадлал тун өндөр байгаа ч уг хэргийг талаар мэдээлэл задруулахгүй, хав дарсан байгаа юм. Хэргийн талаар тухайн үед цагдаагийн байгууллагаас тодруулахад "Цагдаагийн байгууллагад энэ талаар мэдээлэл бүртгэгдээгүй. Ямар ч мэдээлэлгүй байна" гэсэн билээ.
Төрийн өмчит үйлдвэрүүд, уурхайнууд хүн гэмтэж л байдаг, үхэж л байдаг Африкийн аль нэг уурхай шиг л боллоо. Хариуцлага яригдахгүй гэж үү?
Хариуцлагагүйн зуд нүүрлэж хүний амь нас эрсдэж байхад эмгэнэл гаргаад өнгөрч болох юм уу Eрөнхий сайдаа...
