Нийслэлийн цагдаагийн удирдах газраас “Согтууруулах ундаа хэтрүүлэн хэрэглэж, биеэ авч явах чадваргүй иргэнд үзүүлэх тусламж, үйлчилгээг сайжруулах нь” сэдэвт уулзалт, хэлэлцүүлгийг /2026.01.08/ зохион байгууллаа.

Тус уулзалт, хэлэлцүүлэгт ХЭҮК-ын Эрүү шүүлтээс урьдчилан сэргийлэх үндэсний ажиллагаа, Нийслэлийн цагдаагийн удирдах газар, Нийслэлийн прокурорын газар, Нийслэлийн эрүүл мэндийн байгууллагын удирдах албан тушаалтнууд оролцсон.

Хэлэлцүүлгийн үеэр согтууруулах ундааны хэт хэрэглээтэй холбоотой өнөөгийн нөхцөл байдал, эрүүлжүүлэх үйл ажиллагаанд мөрдөгдөж буй стандарт, тулгамдаж буй асуудлууд, цаашид хэрэгжүүлэх ажил, арга хэмжээний талаар мэдээлэл солилцон санал, дүгнэлт гаргав.

Энэхүү хэлэлцүүлэг нь хүний эрхийг хангах, эмнэлгийн түргэн тусламжийн үйлчилгээний чанар, хүртээмжийг нэмэгдүүлэх, байгууллага хоорондын уялдаа холбоог сайжруулах ач холбогдолтой уулзалт боллоо.