“The Guardan” сэтгүүл оюутнуудын хичээлдээ төвлөрөхөд туслах хоол, хүнсний жагсаалтыг онцолжээ.
Оюутнууд хамгийн хямд хоол хүнс хэрэглэж, улмаар эрүүл мэндээ муутгадаг нь нууц биш. Ялангуяа хоолны тогтсон дэглэмгүй, хэзээ ч, юу ч хамаагүй идэж, хэрэглэснээр ходоод, гэдэсний өвчин эмгэгтэй болдог.
Тиймээс шалгалттай үед болон амжилттай суралцахын тулд сайтар хооллох нь чухал гэдгийг мэргэжилтнүүд зөвлөж байна. Гэхдээ тэд энэ удаад шалгалт болон эрдэм шинжилгээний ажил бичиж буй үедээ ямар хоол, хүнс хэрэглэх нь тархинд сайнаар нөлөөлдөг болохыг онцолжээ.
- Хэмжээг нь хэтрүүлэхгүй бол КОФЕ сайн хүнс
Кофе, ногоон цай, эрчим хүчний ундаа нь бүх шөнийн номын сангийн гол хэрэглээ юм. Гэвч кофейн хэмжээг хэрхэн тааруулах вэ?
Кофейн ялангуяа кофе нь зүрх судасны эмгэг, инсулины дутагдлаас сэргийлэх хоёр төрлийн бодис агуулж байдаг гэдгийг хоол тэжээлийн эмч Даниэль О'Шауднейн хэлжээ. Хэдийгээр кофейн нь таныг богино хугацаанд сэргээдэг ч гэсэн тохируулж хэрэглэх нь чухал. Хэтрүүлж хэрэглэвэл кофейн таны цусан дахь сахарын хэмжээг ихэсгэж, эцэст нь бууруулж, анхаарал төвлөрөл, энергийн дутагдлыг үүсгэдэг.
“Хүмүүс кофейн хэрэглэсэн үедээ янз бүрийн хариу үйлдэл үзүүлдэг” гэдгийг хоол тэжээлийн эмч Жоанн Кравини онцолжээ. Улмаар стресс, дааврын өөрчлөлтийн түвшинг нэмэгдүүлдэг. Зарим хүмүүс унтахын өмнө ууж чаддаг бол зарим нь шөнө дунд шүдээ хавирах, нойргүйдэж, тавгүйтэх нь бий. Ихэнх насанд хүрэгчид кафейныг өдөрт нэг тун нь 200 мг, дээд тал нь 400мг-аас хэтрүүлж хэрэглэхийг хориглоно гэж хоол тэжээлийн эрдэмтэн Сара Кое зөвлөлөө.
Хэрэв түргэн уусдаг кофе уух бол 100мг орчим, цайны аяганд 75 мг кофейн агуулагдах хэмжээгээр уух нь тохиромжтой. Түүнчлэн эрчим хүчний ундаа, зарим зөөлөн ундаа кофейн агуулдаг бөгөөд кофены дэлгүүрт буй кофеноос ч илүү кофейнтэй байж магадгүй гэдгийг санаарай.
Мөн кофейныг шөнийн хоёр цагаас өмнө, хамгийн ихдээ хоёр аяга кофе уу эсвэл түүнтэй тэнцэх хэмжээний үр тариа уух нь хамгийн зөв арга юм.
-
Буудайн үр
Бүхэл үр бол маш өег хүнс. Тухайлбал, будаа, гурил зэрэг нь бүхэл үр агуулдаг хүнс юм. Бүхэл үр нь уураг их хэмжээгээр агуулдаг бөгөөд цусан дахь сахарын хэмжээг тэнцвэржүүлдэг.
Бор будаа, овъёос, сагамхай загас нь эрүүл мэндэд тустай, хямд төсөр бөгөөд сонголттой төдийгүй сагамхай дахь магнийн өндөр түвшин нь мэдрэлийн эсийг тайвшруулдаг байна.
-
Самар болон жимс
Жимс, самар нь тэжээллэг учраас хамгийн тохиромжтой зууш юм. Олон төрлийн жимс жимсгэнэ, хүнсний ногоо зэрэг нь антиоксидант агууламж өндөртэй байдаг ба энэ нь тархины гэмтэл, насжилттай холбоотой эмгэгээс сэргийлдэг" гэж судлаач Кроварин тайлбарласан байна. Хөлдөөсөн жимс ихэвчлэн хямд, урт удаан хугацаагаар хадгалж болдог бөгөөд хөлдөөсөн үед шим тэжээлээ алдахгүй. Эрүүл хүнсэнд давс, сахар бага агуулагддаг бөгөөд самар, бүрсэн самар нь эрүүл хүнс юм.
-
Хүнсний нэмэлт тэжээл
Эмч нар витамины нэмэлтийг хэрэглэхийг зөвлөж байна. Хэдийгээр витамин нь үнэтэй боловч сонголт ихтэй байдаг. Тиймээс аль болох шим тэжээлтэй, олон нэр төрлийн хүнс хэрэглэж байх нь чухал. Ялангуяа хөлдөөсөн жимс, хар ногоон өнгөтэй үрийн ногоо, жимс жимсгэнэ нь боломжийн үнэтэй байдаг.
Хоол хүнс, уух зүйлсээс хэрэгтэй бүхнийг авах нь зүйтэй. Жишээ нь, жимс жимсгэнэ нь витамин С ихээр агуулдаг учраас дархлааны тогтолцооны хэвийн үйл ажиллагаанд тустай. Энэ нь эрүүл мэнд болон суралцах явцад сайнаар нөлөөлдөг бөгөөд шилэн савлагаатайг сонгох хэрэгтэй.
-
Хар шоколад
Хар шоколад нь цусны эргэлтийг нэмэгдүүлэх, даралтыг бууруулахад эерэг нөлөөтэй ажээ. Мөн магнийн эх үүсвэртэй тул тайвшруулах нөлөө үзүүлдэг байна.
Гэхдээ 80 хувь ба түүнээс дээш какаоны агууламжтай хар шоколадыг сонгох нь тохиромжтой аж. Хар шоколад нь сахарын агууламж багатай байдаг.
-
Ус
Зүүн Лондонгийн их сургууль болон Вестминстерийн их сургуулийн эрдэмтдийн саяхны судалгаагаар ус нь шингэн сэлбэж, анхаарлыг төвлөрүүлэх чадварыг 25 хувиар нэмдэг болохыг тогтоожээ.
Судлаач, доктор Каролин Эдмонсс “Бид хүмүүст маш бага хэмжээний ус уулгахад (25 мл) анхаарал төвлөрөх чадвар нь сайжирч байсан” гэж ярьжээ. Тухайлбал, 300 мл ус нь санах ойн үйл ажиллагаа болон сэтгэлийн хөдөлгөөнийг сайжруулдаг аж.
