Их Британи Умард Ирландын Нэгдсэн Вант Улсын парламент дахь Олон улсын парламентын бүлгэмийн долоон төлөөлөгч Монголын Хөрөнгийн Биржид өнөөдөр зочилж, үнэт цаасны хоёрдогч зах зээлийн 5,594 дэхь арилжааг нээж, цан цохисон юм.

Хоёр улсын өнөөгийн хамтын ажиллагааны нэг том бэлэг тэмдэг нь Монголын хөрөнгийн бирж болон Лондонгийн хөрөнгийн биржийн стратеги хамтын ажиллагаа бөгөөд цаашид улам өргөжинө гэдэгт итгэлтэй байгаагаа Их Британийн парламентын гишүүдийн зүгээс илэрхийлсэн юм.