Америкийн алдарт теннисчин Серена Уильямс нийгмийн сүлжээний томоохон компани “Реддит”-ийг үүсгэн байгуулагчдын нэг Алексис Оганянтай гэрлэжээ.
Эх сурвалжийн мэдээлснээр, энэ долоо хоногийн пүрэв гарагт Америкийн Нью-Орлеанс хотод “Жонон ба Гоо бүсгүй” сэдвийн дор 1 сая гаруй ам.доллароор хийсэн тэдний гэрлэх ёслолд Бейонсе, Ким Кардашян, Эва Лонгори тэргүүтэй урлаг соёлын алдартнууд оролцсон байна.
