Монгол улсын татварын мэргэшсэн зөвлөхийн нийгэмлэгийн үүсгэн байгуулагч, хүндэт ерөнхийлөгч, МУ-ын татварын итгэмжит зөвлөх Я.Мишиглүндэнгийн нэрэмжит "Татварын бүртгэл 2017" улсын IV олимпиад энэ сарын 16-нд эхэлсэн билээ. Тэгвэл өнөөдөр тус олимпиадын II шатны шалгаруулалт болж байна.
Олимпиадын зорилго нь татвар, санхүү, нягтлан бодох бүртгэлийн талаарх мэдлэг ур чадварыг сорих, мэргэжлийн холбогдолтой хууль тогтоомж, дүрэм, журам, заавар стандартын талаарх мэдлэгийг дээшлүүлж, хэрэглээ болгон идэвхижүүлэхэд чиглэж байгаа аж.