Өмнөд Солонгосын Пёнчан хотод 2018 оны 23 дахь өвлийн олимп хоёрдугаар сарын 9-25 ны өдрүүдэд болох юм. “Пёнчан-2018” өвлийн олимпод 95 орны 2900 тамирчин спортын 15 төрөлд 102 баг медалийн төлөө өрсөлдөх аж.

Харин манай улсаас гүйлтийн цанын төрөлд МҮОХ-ны гүйцэтгэх зөвлөлийн гишүүн, УИХ-ын гишүүн Б.Бат-Эрдэнээр ахлуулсан ОУХМ Б.Ачбадрах, ОУХМ Ч.Отгонцэцэг нар оролцож байгаа юм. Баг тамирчидад нээлтийн ёслол, бэлтгэл, тэмцээний үеэр өмсөх Үндэсний шигшээ багийн хувцас гардуулах арга хэмжээ өнгөрсөн даваа гарагт болсон билээ.  Харин тамирчидад хүлээлгэж өгсөн хувцас хэрэглэл олон нийтээс сөрөг үнэлгээг аваад байгаа юм. Тэгвэл “Пёнчан-2018” өвлийн олимпид оролцож буй бусад улсын баг тамирчдын хувцас хэрэглэлийг харьцуулан үзээрэй.