Хоногийн хугацаанд зуслангийн чиглэлд айлууд хашааны шар өвсөө шатааж гал алдсан 5, орон сууцны хорооллын хогийн сувагт хог шатсан 3 дуудлага мэдээлэл бүртгэгдлээ.

Тухайлбал Сүхбаатар дүүргийн 19 дүгээр хороо, Шарга Морьтын 2 дугаар буудлын задгайд шар өвс шатаж байна гэсэн дуудлагыг 12:39 цагт ирүүлснээр дүүргийн Онцгой байдлын хэлтсийн Гал түймэр унтраах, аврах 74 дүгээр ангийн бүрэлдэхүүнийг очиход айлын хашааны 2 га шар өвс шатаж байсныг шуурхай ажиллаж бүрэн унтраасан байна.