Монголын волейболын дээд лигийн тоглолт өндөрлөх дөхөж байгаа энэ үед гадаадын хүндэт зочид хүрэлцэн ирсээр байна. БНСУ-ын волейболын шигшээ багт тоглож байсан Ким Ён Гён өчигдөр манай улсад ирлээ. Тэрээр 2025 онд “Wonder Dogs” багийг бүрдүүлж, дасгалжуулагчаар ажилласан билээ. Энэ багт спортын мастер С.Булгантамир, Ж.Энхсоёл нар сонгогдон тоглосон юм. Тэгвэл алдарт тамирчин Ким Ён Гён болон тус улсын шигшээ багийн тоглогч Пё Сын Жү нар Монголд анх удаа ирлээ. Тэд өнөөдөр, маргааш волейболын үндэсний дээд лигийн тоглолт үзэхээр болжээ.

Ташрамд дуулгахад, Ким Ён Гёны сонгосон Ж.Энхсоёл өдгөө БНСУ-ын волейболын дээд лигт “Jung Kwan Jang Red Sparks” багт тоглож байна.