УИХ-ын гишүүн, Засгийн газрын Xэрэг эрхлэх газрын дарга С.Бямбацогт энэ сарын 11-ний өдөр Говь-Алтай аймагт ажиллажээ.
Говь-Алтай аймаг 2026 онд хүний хөгжлөөр улсдаа манлайлах зорилт тавьж эрүүл мэнд, боловсрол, өрхийн орлогод анхаарч ажиллаж байгаа аж. Түүнчлэн ЭЕШ-д 650-аас дээш оноо авсан хүүхдүүдэд урамшуулал олгодог сайн жишиг тогтжээ.
УИХ-ын гишүүн С.Бямбацогт тус аймагт ажиллах үеэрээ Улсын онцгой комиссын нөөцөөс 650 тн тэжээл, 50 тн шатахууны дэмжлэгийг хүлээлгэн өгч, Хөхморьт суманд туулах чадвартай Lexus-570 машин гардуулсан юм.
Энэ жил Говь-Алтай-Улиастай чиглэлийн хатуу хучилттай авто замын ажил эхэлж, Говь-Алтай-Бургастай чиглэлийн 253 км авто замын зураг төсөл хийгджээ. Дээрх чиглэлийн замууд баригдсанаар Говь-Алтай аймагт Ази Европ, урд хойд хөршийг холбосон Монгол Улсын авто замын 3 дахь коридор бий болно.
Эх сурвалж: МАН-ын бүлэг
